भारतले जित्यो जिम्बाबेविरुद्धको सिरिज
कागजपत्र |
काठमाडौं -जिम्बाबेविरुद्धको टी–२० सिरिजको चौथो खेलमा भारतले १० विकेटको फराकिलो जित निकालेको छ ।
शनिबार भएको खेलमा जिम्बाबेले दिएको १५३ रनको लक्ष्य भारतले १५.२ ओभरका कुनै पनि विकेट नगुमाइ भेटाएको हो ।
भारतका लागि यशस्वी जैसवाल र कप्तान शुभमन गिलल दुवैले अर्धशतक बनाउँदै उत्कृष्ट साझेदारी गरे ।
जैसवालले ५३ बलमा ९३ रन बनाउँदा गिलले ३९ बलमा ५८ रनको योगदान दिए । गिलले ६ चौका र दुई छक्का प्रहार गर्दा जैसवालले १३ चौका र दुई छक्का प्रहार गरे ।
त्यसअघि हरारेरमा टस हारेर ब्याटिङ गरेको जिम्बाबेले निर्धारित २० ओभरमा सात विकेट गुमाउँदै एक सय ५२ रन बनायो ।
उसका लागि कप्तान सिकन्दर राजाले ४६ रनको योगदान दिए । त्यस्तै तडिवानासे मरुमणिले ३२ तथा वेस्ली मधेभरेले २५ रन बनाए । भारतका लागि खलिलि अहमदले २, शिवम दुबे, तुषार देशपाण्डे, अभिषेक शर्मा र वासिङ्टन सुन्दरले एकएक विकेट लिए ।
जितसँगै भारतले पाँचको खेलको शृंखला एक खेल अगावै जितेको छ । यसअघि भारतले दुई र जिम्बाबेले एक खेलमा जित निकालेका थिए ।
