नाइजेरियामा विद्यालय भत्किँदा कम्तीमा २१ जनाको मृत्यु

काठमाडौं – मध्य नाइजेरियामा शुक्रबार एउटा विद्यालय भत्किँदा कम्तीमा २१ विद्यार्थीको मृत्यु भएको छ ।

पठार राज्यको जोस नर्थ जिल्लामा रहेको सेन्ट एकेडेमीमा विद्यार्थीहरूले परीक्षा दिइरहँदा भवन भत्किएको हो । ‘पठारी राज्यको जोस उत्तर स्थानीय सरकार क्षेत्रको बुसा बुजीमा रहेको सेन्ट एकेडेमीको दुई तले भवन आज बिहान भत्किँदा धेरै विद्यार्थीको मृत्यु भएको छ’, राष्ट्रिय आपतकालीन व्यवस्थापन एजेन्सीले विज्ञप्तिमा भनेको छ ।

नेमा र अन्य महत्वपूर्ण सरोकारवालाहरूले हाल खोजी जारी राखेका छन् । घटनास्थलका एक बासिन्दा चिका ओबियोहाले भने, ‘घटनास्थलमा २१ जनाको मृत्यु भएको छ । कैयौं घाइते भएका छन् । हामीले धेरै मानिसलाई बचाउन सक्छौँ कि भनेर मद्दत गरिरहेका छौं ।’

विद्यालय के कारणले भत्किएको हो भन्ने तुरुन्तै स्पष्ट हुन सकेको छैन तर पठारमा तीन दिनको भारी वर्षापछि भवन भत्किएको बासिन्दाले जानकारी दिए । अफ्रिकाको सबैभन्दा बढी जनसंख्या भएको नाइजेरियामा निर्माण मापदण्डको ढिलो कार्यान्वयन, लापरवाही र कम गुणस्तरको सामग्रीको प्रयोगका कारण भवन भत्किएको अनुमान गरिएको छ ।