ट्राफिक जवान घिमिरेको हत्याको आशंकामा ५ जना पक्राउ

काठमाडौं – ट्राफिक प्रहरी जवान युवराज घिमिरेको हत्या गरेको आरोपमा पाँचजना पक्राउ परेका छन् । काठमाडौं प्रहरीको विशेष टोलीले उनीहरूलाई पक्राउ गरेको हो ।

यद्धपी प्रहरीले उनीहरुको नाम सार्वजनिक गरेको छैन । पक्राउ परेकाहरूमाथि प्रहरीले थप अनुसन्धान अघि बढाएको छ ।

ट्राफिक प्रहरी प्रभाग, दरबारमार्गमा कार्यरत प्रहरी जवान घिमिरेको शव शुक्रबार शंकास्पद अवस्थामा भेटिएको थियो ।

ड्युटी सकेर घर फर्किंदै गर्दा काठमाडौँको तार्केश्वर-९, मनमैजुमा घिमिरेको हत्या भएको थियो । उनको टाउको र शरीरका विभिन्न भागमा चोट देखिएको थियो ।