सल्यानमा एक दम्पती मृत फेला
सल्यान- सल्यानको बनगाड कुपिण्डे नगरपालिका-४ देउलीका एक दम्पती मृत फेला परेका छन् ।
अन्दाजी ३४ वर्षीय मनोज बुढा र उनकी श्रीमती अन्दाजी ३२ वर्षीया कमला बुढा मृत अवस्थामा फेला परेकाे जिल्ला प्रहरी कार्यालय सल्यानले जनाएकाे छ ।
श्रीमती कमलाको शव माथिल्लो तलामा घाटी काटिएको अवस्थामा फेला परेको र श्रीमान मनोत तल्लो तलामा झुण्डिएको अवस्थामा फेला परेकाे जिल्ला प्रहरी कार्यालय सल्यानका प्रहरी प्रमुख, प्रहरी नायव उपरीक्षक नवीन कार्कीले जानकारी दिए ।
प्रहरीले घटनास्थलमा पुगेर आवश्यक अनुसन्धान गरिरहेको छ ।