उपनिर्वाचनः माओवादी केन्द्रले इलाम र बझाङ दुवैमा उम्मेदवारी दिने
कागजपत्र |
काठमाडौं । नेकपा माओवादी केन्द्रले इलाम २ र बझाङ १ मा उम्मेदवारी दिने निर्णय गरेको छ ।
प्रधानमन्त्री निवास बालुवाटारमा बसेको पदाधिकारी बैठकले वैशाख १५ गते हुने उपनिर्वाचनमा उम्मेदवारी दिने निर्णय गरेको हो ।
दुवै क्षेत्रमा पार्टीले उम्मेदवारी दिने निर्णय गरेको माओवादी केन्द्रले जनाएको छ । तर कसलाई उम्मेदवार बनाउने भन्ने निर्णय भने माओवादीले गरेको छैन ।
इलाम २ बाट माओवादीले चार जनाको उम्मेदवार सिफारिस गरेर केन्द्रमा पठाइसकेको छ ।
बझाङमा प्रक्रिया अगाडि बढाएको छैन ।
