सुनकोशीमा बेपत्तामध्ये दुईको शव फेला, एक बालक अझै बेपत्ता
कागजपत्र |
गाईघाट – होली खेलेर नुहाउने क्रममा सुनकोशीमा बेपत्ता भएका दुई बालबालिका मृत फेला परेका छन् । उनीहरु आइतबारदेखि हराएका थिए ।
सशस्त्र प्रहरीले गोताखोर लगाएर खोजी गरेपछि बुधबार त्रियुगा नगरपालिका-१४ साउने बस्ने बर्ष ९ की रेखा मगर र बर्ष ६ को रिदम मगरको शव मृतावस्था फेला परेको हो ।
रेखाको शव उदयपुरको त्रियुगा-२४ स्थित सिम्ले नजिक दुर्गे ढुङ्गामा फेला परेको र रिदमको शव खोटाङको बाराहापोखरी गाउँपालिका वडा नम्बर २ टप्पुभन्ने स्थानमा फेला परेका थिए ।
अझै एक ९ वर्षका लोकचन्द्र मगर वेपत्ता रहेका छन् । होली खेल्दै सुनकोशीमा नुहाउने क्रममा बेपत्ता भएका थिए । प्रहरीले बेपत्ता बालकको खोजी कार्य जारी रहेको बताएको छ ।
