तोसिमाले एमालेलाई भनिन्, ‘संसद चल्न नदिनु भनेको तँ जनता ठगिराख हामी साथ छौँ भने जस्तो भयो’

काठमाडौं – राष्ट्रिय स्वतन्त्र पार्टी (रास्वपा) की सांसद डा. तोसिमा कार्कीले संसद् चल्न नदिएको विषयमा प्रतिपक्षी नेकपा एमालेप्रति रोष प्रकट गरेकी छिन् ।

नेकपा एमालेले संसदमा अवरोध गरिरहेको प्रसंगलाई ल्याउँदै तोसिमाले आज पनि संसद चल्न नदिने भन्दै रोष प्रकट गरेकी हुन् ।

उनले सामाजिक सञ्जालमा लेखेकी छिन्,

सदन चल्छ भनि बोलाउने | अनि फेरी बन्द गर्ने|

एक दिन हैन, दुई दिन हैन | पटक पटक यस्तै|

सदन कसको हो ?

जनताको होईन ?

कसको लागी हो ?

जनताको लागि होईन ??

हामी प्रतिपक्षले सरकारलाई प्रश्न सोध्ने हो |

अरे बाबा, प्रश्न सोध्नलाई सदन त चल्न दिनुपर्यो नि !

सदन बन्द गर्नु भनेको झन् सरकारलाई जे गर्दैछस् सब ठिक छ| प्रश्नै छैन | काण्डै काण्ड छन् तैँ चुप मै चुप| तँ जनता ठगिराख हामी साथ छौँ भने जस्तो भयो !! वास्तवमा प्रमुख प्रतिपक्षले जति सक्दो सदन चलाउनुपर्छ| बहस गर्नुपर्छ| सरकारलाई बिजनेस दिनुपर्छ|

तर यहाँ त,

जनताको मुद्दा उठाउने ठाउँ चल्नै नदिने ??

अनि मुद्दा काहाँ उठाउने ? छलफल कहाँ गर्ने ??

आज पनि १ बजे सुरु हुने भनिएको सदन अझै चल्ने छाँट काँट नै छैन|

सरकारले सदन नै चलाउन नसक्नु कस्तो कमजोर सरकार हो !!

देशभरिको २७५ जना सांसदहरुको समय बर्बाद|

जनताको पैसो बर्बाद| काम छैन यस्तो नेतृत्व !!

सदन बन्द हुनुहुँदैन| जसरी पनि चलाउनुपर्छ|

अब को ४ वर्षमा २०८४मा यो प्रवृत्ति परिवर्तन हुनैपर्छ|