हतियारधारी भारतीय नागरिकमाथि प्रहरीद्वारा गोली प्रहार

बारा – बारा जिल्लाको बनकुलमा हतियारधारीमाथि प्रहरीले गोली चलाएको छ । प्रहरीको गोली लागी भारतीय नागरिक बृज किशोर कुश्वाहा घाइते भएका छन् ।

कुश्वाहाको पाखुरामा गोली लागेको छ । उनी सामान्य घाइते भएको प्रहरी कार्यालय डीएसपी कृष्ण पंगेनीले बताए । उनको साथबाट प्रहरीले पाँच राउण्ड गोलीसहित एउटा पेस्तोल बरामद गरेको छ ।

प्रहरीका अनुसार कुशवाहा लुटपाट गर्ने योजनासहित नेपाल छिरेका थिए ।