२७ अर्ब ६० करोडको ट्रेजरी बिल नवीकरण गर्दै राष्ट्र बैंक
कागजपत्र |
काठमाडौं – नेपाल राष्ट्र बैंकले आइतबार २७ अर्ब ६० करोड रुपैयाँ बराबरको पुरानो ट्रेजरी बिलको नवीकरण गर्ने भएको छ । बैंकले आज दिउँसो ३ बजे उक्त ट्रेजरी नवीकरण गरिने जनाएको हो ।
बैंकले यसअघि जारी २८ दिने, ९१ दिने, १८२ दिने र ३६४ दिने ट्रेजरीको नवीकरण गर्न चाहेको हो । राष्ट्र बैंकले नवीकरणसँगै नयाँ ट्रेजरी जारी गर्दै आएको भएपनि यस पटक भने असार अन्तिममा पुराना ट्रेजरीको नवीकरण मात्र गर्न लागेको हो ।
२८ दिने ट्रेजरीमा ५ अर्ब रुपैयाँ, ९१ दिनेमा ८ अर्ब रुपैयाँ, १८२ दिनेमा ६ अर्ब र ३६४ दिनेमा ८ अर्ब ६० करोड गरी कूल २७ अर्ब ६० करोड रुपैयाँ बराबरको ट्रेजरी आज नवीकरण हुने बैंकले जनाएको छ ।
