एसीसी पुरुष यू-१६ इस्ट जोन कपः नेपालले दियो थाइल्यान्डलाई २७० रनको लक्ष्य

काठमाडौं – मलेसियामा जारी एसीसी पुरुष यू-१६ इस्ट जोन कप क्रिकेट प्रतियोगितामा नेपालले थाइल्यान्डलाई २७० रनको लक्ष्य दिएको छ ।

मलेसियाको बांगीमा टस जितेर पहिला ब्याटिङ गरेको नेपालले निर्धारित ३५ ओभरमा ८ विकेट गुमाएर २ सय ६९ रन जोड्यो ।

नेपालका लागि निरज कुमार यादवले ४३ बलमै सर्वाधिक ७४ रन जोड्दा ८ चौका र ६ छक्का हिर्काए ।

नरेनले ५४ रन बनाए । सन्तोष यादवले ४२ रन तथा सुर्यान्सु कोइरालाले ४० रन जोडे ।

थाइल्यान्डका लागि नटपाखन मानोओन, फानुवाट डसुन्गनोएन र राथासाट वानिचाखमले समान २-२ विकेट लिए ।

२७० रनको लक्ष्यसहित ब्याटिङका लागि मैदान प्रवेश गरेको थाइल्यान्डले ५ ओभरमा १९ रन बनाएर २ विकेट गुमाइसकेको छ ।