बालेन भन्छन्, ‘राष्ट्रियताको सवालमा कानुन र अदालत मान्नेवाला छैन’
कागजपत्र |
काठमाडौं – काठमाडौं महानगरपालिकाका मेयर बालेन्द्र शाहले नेपालको राष्ट्रियताका बारेमा आफूले कुनै पनि कानुन र अदालत नमान्ने बताएका छन् ।
उनले सामाजिक सञ्जालमा लेख्दै भनेका छन्, ‘जहाँ सवाल देशको सार्वभौमिकता र स्वाधीनताको आउँछ म कुनै कानुन र अदालतलाई मान्नेवाला छैन ।फिल्म लेखकले नेपाल भारत को अधिनमा थियो भनी सके पछि उनिहरु को नियत थाहा हुन्छ । यो कुरालाई नेपाल सरकारले स्टन्ट भन्नू र अदालतले फिल्म चल्न दिनु भनेको नेपाल भारतको अधिनमा थियो , अदालत र सरकार भारत को गुलाम भएको बुजिन्छ । यसको लागि जुन सुकै सजाय भोग्न तयार छु तर फिल्म चल्दैन र चल्न दिइनेछैन ।’
