

रास्वपाको मत सुवास नेम्वाङले पाउनुहुन्छ : योगेश भट्टराई

काठमाडौं – नेकपा एमालेका सचिव योगश भट्टराईले राष्टिय स्वतन्त्र पार्टी रास्वपाले राष्ट्रपतिमा एमालेका उम्मेदवार सुुवासचन्द्र नेम्वाङलाई दिने बताएका छन्
आज (बिहिबार) रास्वपाका सभापति रवि लामिछानेसहित नेताहरुसँग भेटवार्तापटि सचिव भट्टराईले रास्वपाको मत सुवासचन्द्र नेम्वाङको पक्षमा आउनेमा विश्वस्त रहेको बताएका हुन् ।
‘रास्वपाका अध्यक्षले आफ्नो पार्टी छलफलमा रहेको र केही समय हामी सहकार्यमा समेत रहेको हुनाले एकअर्कालाई बुझेका छौ । सुवास नेम्वाङजत्तिको व्यक्तित्व मुलुकले कमै पाउँछ । यो एउटा मौका हो भन्नुभएको छ’, सचिव भट्टराईले भने, ‘उहाँको भनाइ र बडी ल्याङ्वेजबाट हामी यो बुझ्छौं कि राष्ट्रपतिमा रास्वपाको मत सुवास नेम्वाङले पाउनुहुन्छ ।’
भेटमा एमाले नेताहरुले ३२ वटा दलहरु भएको संविधानसभाकालमा समेत सबै दललाई मिलाएर संविधान जारी गर्न सफल नेम्वाङलाई मत दिन आग्रह गरेका थिए ।

