

हेटौँडा विद्युत् प्राधिकरणको गोदामघरमा आगलागी, सामान जलेर नष्ट

मकवानपुर – हेटाैँडामा रहेकाे नेपाल विद्युत् प्राधिकरणको गोदाम घरमा आगलागी भएको छ ।
हेटौँडा उपमहानगरपालिका वडा नम्बर-५ भैरवरोडमा रहेको नेपाल विद्युत् प्राधिकरणको केन्द्रीय गाेदाममा गएराति आगलागी भएको हो ।
गोदाममा करेन्ट सर्ट भएर आगलागी भएको हुन सक्ने प्रहरीकाे अनुमान छ । आगलागीबाट प्राधिकरणका धेरै सामान जलेर नष्ट भएका छन् । आगलागीबाट भएकाे क्षतिबारे यकिन जानकारी आएकाे छैन ।
गोदामघरमा लागेको आगो प्रहरी, सशस्त्र प्रहरी, स्थानीय र हेटौँडा उपमहानगरको दमकलले करिब २ घण्टापछि निभाइएकाे थियाे ।

