प्युठानमा जीप दुर्घटना हुँदा ९ जना घाइते, एकको अबस्था गम्भीर
कागजपत्र |
दाङ – प्यूठानमा जीप दुर्घटना हुँदा ९ जना घाइते भएका छन् ।
दाङको भालुवाङबाट प्यूठान बाग्दुला तर्फ जादै गरेको लु २ ख ३५६९ नम्बरको गाडी सरुमारानी गाउँपालिका(४ कुडुलेमा दुर्घटना भएको हो ।
घाइतेमध्ये १ जनाको अबस्था गम्भीर छ भने अन्य ८ जना घाइते भएको जिल्ला प्रहरी कार्यालय प्युठानले जनाएको छ ।
घाइतेहरुलाई उद्धारपछि ६ जनालाई उपचारका लागि बुटवल पठाइएको छ । बाँकी तीन जनाको भने प्युठानको साझा पोलिक्लिनमा उपचार भइरहेको छ ।
गाडी सडकबाट करीव २० मिटर तल खसेको थियो । गाडीमा चालक सहित १४ जना सवार थिए ।
