सर्वोत्कृष्ठ गल्फर राईलाई ८ लाख नगद सहयोग
कागजपत्र |
काठमाडौं – नेपाल गल्फर एसोसियनले नेपालका नम्बर एक गल्फर शुक्र बहादुर राईलाई आर्थिक सहयोग प्रदान गरेको छ ।
सोमबार काठमाडौंमा आयोजित एक कार्यक्रमकाबीच एसोसियनले शुक्रलाई ८ लाख नगद आर्थिक सहयोग प्रदान गरेको हो। गल्फ खेलसँग आबद्द व्यक्ति र संस्थाहरुबाट उठेको रकम शुक्रलाई प्रदान गरिएको हो।
शुक्रले आगामी अगस्टमा भारतको व्यावसायिक गल्फ टुर पीजीटिआई च्याम्पियनसिप खेल्दै छन् । पीजीटिआई गल्फ अघि शुक्रले भारतको तरुन सर्देसाई गल्फ एकेडेमीमा प्रशिक्षण गर्ने छन् । जसका लागि उनलाई आर्थिक सहयोग गरिएको एसोसियनले जनाएको छ।
