काठमाडौं अपडेट : आफ्नै वडामा स्थापितकाे सुरुवाती अग्रता

काठमाडाैं – काठमाडौं महानगरपालिकाको वडा नम्बर २८ को मतगणनामा बालेन्द्र साहलाई भन्दा बढी मत केशव स्थापितलाई आएको छ । अहिले वडा नम्बर २८ को मतगणना भइरहेको छ ।

यो केशव स्थापितको आफ्नो वडा पनि हो । आफ्नै वडामा भने स्थापितले सुरुवाती अग्रता लिएका छन् । उक्त वडामा २०० मत गणना हुँदा स्थापितको पक्षमा ६० मत आएको छ भने बालेन्द्रले ४६ मत मात्रै पाएका छन् ।

स्थापितको वडामा गठबन्धनकोतर्फबाट मेयरमा कांग्रेसमा मेयरकी उम्मेदवार सिर्जना सिंहले भने ३३ मत पाएकी छिन् ।साह र स्थापितले पाएको कुल मतको अन्तर भने ८ हजार ५५३ छ । यो ४५ हजार मत गन्दाको परिणाम हो ।