पीएसजीको शानदार जित, मेस्सी, नेयमार र एमबाप्पे तीनै जनाले गरे गोल

काठमाडौँ – फ्रेन्च लिग वानअन्तर्गत आइतबार राति भएको खेलमा पीएसजीले लोरियन्टमाथि ५–१ गोल अन्तरको फराकिलो जित हात पारेको छ। एसजीलाई जित दिलाउने क्रममा टोलीका प्रमुख तीन खेलाडी लियोनेल मेस्सी, नेयमार र कायलिन एमबाप्पेले गोल गरे।

नेयमार र एमबाप्पेले २र२ गोल गरे भने मेस्सीले १ गोल थपे। नेयमारले खेलको १२ औं र ९० औं मिनेटमा गोल गरेका थिए भने एमबाप्पेले २८ औं र ६७ औं मिनेटमा गोल गरेका थिए।

मेस्सीले ७३ औं मिनेटमा गोल गरे। लिग वानमा पीएसजीले ३० खेलबाट ६८ अंक हात पारेको छ। दोस्रो स्थानमा रहेको मार्सिल्लेले समान खेलबाट ५६ अंक जोडेको छ।