विश्वकपको उद्घाटन खेल कतार र इक्वेडरबीच हुने
कागजपत्र |
काठमाडाैँ- कतार विश्वकप २०२२ को उद्घाटन खेल आयोजक कतार र इक्वेडरबीच हुने भएको छ। शुक्रबार भएको ड्र अनुसार समूह एमा परेका यी दुई टोलीहरुबीचको खेल नोभेम्बर २१ मा हुनेछ। समूह ए मा कतार र इक्वेडरसहित सेनेगल र नेदरल्याण्ड्स पनि छन्। उद्घाटन खेल कतारको अल बायट स्टेडियममा हुनेछ।
सामान्यतयाः विश्वकप फुटबल गर्मीयाममा हुने भए पनि कतारमा अत्यधिक गर्मी हुने भएकाले जाडो मौसममा यो प्रतियोगिता हुन लागेको हो।
नोभेम्बर २१ बाट सुरु हुने विश्वकप डिसेम्बर १८ मा सकिनेछ। अहिलेसम्म विश्वकप फुटबलमा पुग्ने २९ टोलीको टुङ्गो लागिसकेको छ भने प्ले अफबाट आउने ३ टोलीको टुङ्गो लाग्न बाँकी छ।
