दाङमा कारको ठक्करबाट मोटरसाइकल चालकको मृत्यु

मंगलबार राति ९ बजे लमहीबाट भालुबाङ् जाँदै गरेको रा६प ६८४९ नम्बरको मोटरसाइकलाई भालुबाङबाट लमहीतर्फ आउँदै गरेको बा१०च २५८१ नम्बरको कारले लमही-३ बनगाउँमा ठक्कर दिँदा राप्ती गाउँपालिका १ का २५ वर्षीय नरेन्द्र जिसीको मृत्यु भएको जिल्ला प्रहरी कार्यालय दाङले जनाएको छ।

मृतकको शव पोष्टमार्टमको लागि लमही अस्पतालमा राखिएको छ। दुर्घटनापछि कार चालक फरार भएका छन्। कारलाई भने प्रहरीले नियन्त्रणमा राखेको छ।