अंग्रेजलाई पराजित गर्ने १३ योद्धाको सालिक स्थापना

रुपन्देही – अंग्रेजसँग लडेर विजय प्राप्त गरेको रुपन्देहीको बुटवलस्थित जितगढीमा वीर योद्धाहरूको सालिक स्थापना गरिएको छ ।

ऐतिहासिक महत्वको किल्लामा अतिक्रमण बढ्नुका साथै ओझेलमा परेपछि यहाँको ऐतिहासिक महत्व सुरक्षित राख्न सालिक निर्माण गरिएको जितगढी संरक्षण समितिका अध्यक्ष रविन्द्र गोपाल लाकौलले बताए । किल्ला संरक्षणमा बटौली संरक्षण समिति र नेपाली सेनाले बुटवल उपमहानगरलाई समन्वय गर्दै सघाएको उनले जानकारी दिए ।

नेपाल र इस्ट-इण्डिया कम्पनी सरकारका फौजलाई पराजित गरेको स्थलमा तत्कालीन कर्णेल उजिरसिंहका पालाका १३ सेनाका अर्धकदका सालिक निर्माण गरिएको छ ।

सन् १८१४ देखि १८१६ सम्म जितगढी किल्लामा भएको युद्धमा जित हासिल गरेर नेपालले अंग्रेजलाई धपाएको थियो ।

अतिक्रमणको चपेटामा परेको किल्ला क्षेत्रमा उपमहानगरले तीन बिगाह जग्गा संरक्षण गर्दै गुरुयोजना बनाएर संरक्षण, सम्वर्द्धन र विस्तारका काम सुरू गरेको छ । गुरुयोजनाअनुसार नै १३ जना सेनाको सालिक निर्माण गरिएको हो ।