इनारको ढक्कन भत्किँदा १३ जनाको मृत्यु

कुशीनगर – भारतको उत्तरप्रदेशस्थित कुशीनगरको एक इनारमा खसी १३ जनाको मृत्यु भएको छ ।

बुधबार विवाह अगाडि भएको एक समारोहमा भेला भएका महिलाहरु बसेको इनारको ढक्कन फुटेपछि उक्त घटना घटेको थियो । वैवाहिक समारोहमा खुशी मनाइरहेका मानिसहरु एक्कासी इनारमा खसेपछि स्थानीयले उद्धार गरेका थिए ।

कुशीनगरबाट जम्मा ३ किलोमिटर टाढाको अस्पताल लैजानका लागि समयमै एम्बुलेन्स नआईपुग्दा त्यति धेरै मानिसहरुको मृत्यु भएको एक स्थानीयले बताए । उनले भने, ‘एम्बुलेन्सलाई पटकपटक फोन गर्दा पनि समयमै आई पुगेन, त्यसपछि निजी कार र प्रहरीको गाडीमा घाइतेहरुलाई अस्पताल लगियो ।’

उत्तर प्रदेश के कुशीनगर में हुआ हादसा हृदयविदारक है। इसमें जिन लोगों को अपनी जान गंवानी पड़ी है, उनके परिजनों के प्रति मैं अपनी गहरी संवेदनाएं व्यक्त करता हूं। इसके साथ ही घायलों के जल्द से जल्द स्वस्थ होने की कामना करता हूं। स्थानीय प्रशासन हर संभव मदद में जुटा है।

— Narendra Modi (@narendramodi) February 17, 2022

घटनाको खबर गर्ने बित्तिकै प्रहरी आइपुगेका कारण अझै धेरै मानिसहरु मृत्यु हुनबाट जोगिएको जनाइएको छ ।

घटनाको बारेमा प्रधानमन्त्री नरेन्द्र मोदीले दुःख व्यक्त गर्दै सबै मृतकप्रति श्रद्धाञ्जली समेत दिएका छन् ।

मृत्यु हुनेमा अधिकांश महिला र बालबालिका रहेको जनाइएको छ ।