१३६ रनको लक्ष्यसहित नेपाली टिम ब्याटिङमा, २ विकेट गुमाउँदै २७ रन बनाएर खेल्दै
कागजपत्र |
काठमाडौं – चार देशीय टी-२० अन्तर्राष्ट्रिय शृंखलाअन्तर्गत पहिलो खेलमा घरेलु टोली ओमानले नेपाललाई १३६ रनको विजयी लक्ष्य प्रस्तुत गरेको छ ।
१३६ रनको लक्ष्यसहित मैदानमा उत्रिएको नेपालले पछिल्लो अपडेटअनुसार २ विकेट गुमाउँदै २७ रन बनाएको छ । अहिले क्रिजमा पूर्वकप्तान ज्ञानेन्द्र मल्ल र दिपेन्द्रसिंह एरीले ब्याटिङ गरिरहेका छन् ।
त्यसअघि खेलमा टस हारेर ब्याटिङ गरेको ओमानले निर्धारित २० ओभरमा ६ विकेट गुमाउँदै १३५ रन बनाएको थियो ।
ओमानका कप्तान जीसान मक्सूदले सर्वाधिक ४३ रन बनाए । उनले ४१ बलमा ४ चौका र एक छक्का हिर्काए । यस्तै मोहम्मद नदीमले ३१ रन जोड्दा जतिन्दर सिंहले १३ रनको योगदान गरे ।
यसअघि ओमानको अल अमेरात मैदानमा टस जितेर फिल्डिङ गरेको नेपालका लागि अविनाश बोहराले सर्वाधिक ३ विकेट लिए । ४ ओभर बलिङ गरेका अविनाशले २६ रन खर्चिएका थिए । यस्तै कमल सिंह ऐरी, आरिफ शेख र कप्तान सन्दीप लामिछानेले समान एक विकेट लिए ।
ओमानविरुद्ध नेपालका सागर ढकाल, विवेक यादवले अन्तर्राष्ट्रिय क्रिकेटमा डेब्यु गरेका छन् । नेपालले आफ्नो दोस्रो खेलमा शनिबार संयुक्त अरब इमिरेट्स ९युएई० को सामना गर्नेछ ।
