हेलिकोप्टर दुर्घटनामा जिवितै उद्धार गरिएका क्याप्टेन सिंहको निधन
कागजपत्र |
नयाँदिल्ली – चिफ अफ डिफेन्स स्टाफ विपिन रावतसहित १३ जनाको निधन हुने गरी भएको दुर्घटनामा जिवितै उद्धार गरिएका हेलिकोप्टर चालकको पनि निधन भएको छ । गत बुधबार तमिलनाडुमा भएको दुर्घटनामा परी रावतसवार हेलिकोप्टरका चालक भारतीय वायु सेनाका ग्रुप क्याप्टेनको जिवितै उद्धार गरिए पनि उपचारको क्रममा निधन भएको हो ।
हेलिकप्टर दुर्घटनामा परी गम्भीर घाइते भएका ग्रुप क्याप्टेन वरुण सिंहको बुधबार निधन भएको भारतीय वायु सेनाले जनाएको हो । दुर्घटनामा जलेर गम्भीर घाइते भएका सिंहलाई जीवितै उद्दार गरिएको थियो । तर उपचारका क्रममा उनको निधन भएको हो ।
IAF is deeply saddened to inform the passing away of braveheart Group Captain Varun Singh, who succumbed this morning to the injuries sustained in the helicopter accident on 08 Dec 21. IAF offers sincere condolences and stands firmly with the bereaved family.
— Indian Air Force (@IAF_MCC) December 15, 2021
डिसेम्बर ८ गते तमिलनाडुको कुनूर नजिकै भारतीय वायु सेनाको एमआई(१७भी५ हेलिकप्टर दुर्घटना हुँदा चिफ अफ डिफेन्स स्टाफ विपिन रावतसहित १३ जनाको घटनास्थलमै मृत्यु भएको थियो ।
गत बुधबार तमिलनाडुको सुलुरस्थित सैन्य शिविरबाट वेलिङ्टन जाने क्रममा रावतसहित १४ जना सवार हेलिकप्टर बाक्लो कुहिरोका कारण दुर्घटना भएको थियो ।
