कांग्रेस प्रदेश अधिवेशन: प्रदेश १ को मतगणना दिउँसो २ बजेदेखि

विराटनगर – नेपाली कांग्रेस प्रदेश १ समितिको मतगणना दिउँसो २ बजेबाट हुने भएको छ ।

निर्वाचन समितिले दिएको जानकारी अनुसार दिउँसो २ बजेदेखि मतगणना सुरु गर्न लागेको हो ।

आइतबार बिहान ८ बजेदेखि गणना गर्ने भनिएपनि मतगणना हुन ढिलाइ भएको छ । उम्मेदवारहरुले प्रतिनिधि पठाउन ढिलाइ गरेका कारण गणना सुरु हुन नसकेको निर्वाचन समितिले जनाएको छ ।

प्रदेश १ मा शनिबार बेलुका सवा ७ बजे मतदान सकिएको थियो । १ हजार ८०४ मतदाता मध्ये १ हजार ७ सय ५२ जनाले मतदान गरेका थिए । प्रदेश समितिको सभापतिमा संस्थापनबाट झापाका पूर्व पार्टी सभापति उद्वव थापा र इतरबाट केन्द्रीय सदस्य गुरुराज घिमिरे प्यानलै प्रतिस्पर्धामा छन् ।