सर्वोच्च अदालतमा तोकियो २७४ मुद्दाको पेसी

काठमाडौं – सर्वोच्च अदालतमा आजका लागि २७४ मुद्दाको पेशी तोकिएको छ । कानुन व्यवसायीको आन्दोलनका बीच लामोसमयदेखि नियमित रुपमा चल्न नसकेको इजलाश भने नियमित रुपमै तोकिएको छ ।

सर्वोच्च अदालतका अनुसार आज (आइतबार) का लागि ९ वटा इजलास तोकिएका छन् । ती मध्ये न्यायाधीश मीरा खड्काको एकल इजलास छ भने अन्य संयुक्त इजलाश गठन गरिएको छ ।

सर्वोच्चका अनुसार सबैभन्दा धेरै न्यायाधीशद्वय तेजबहादुर केसी र हरिप्रसाद फुयालको इजलासमा ४५ वटा मुद्दा तोकिएका छन् । आजको इजलासका लागि यी बाहेक दीपककुमार कार्की, बमकुमार श्रेष्ठ, हरिकृष्ण कार्की, नहकुल सुवेदी, विश्वम्भरप्रसाद श्रेष्ठ, कुमार चुडाल, आनन्दमोहन भट्टराई, मनोजकुमार शर्मा, टंकबहादुर मोक्तान, कुमार रेग्मी, प्रकाश कुमार ढुंगाना, सुष्मालता माथेमा तोकिएको छ ।