प्रधानमन्त्री देउवा र अमेरिकी सहायक विदेशमन्त्री लूबीच भेट, बहुपक्षमा छलफल

काठमाडौं – प्रधानमन्त्री शेरबहादुर देउवासँग अमेरिकी सहायक विदेशमन्त्री डोनाल्ड लूबीच आज साँझ भेटवार्ता भएको छ । भेटवार्तामा दुई देशको सम्बन्ध, सहयोगलगायत बहुपक्षमा कुराकानी भएको जनाइएको छ ।

प्रधानमन्त्री देउवाको ट्वीटरमा नेपाल अमेरिका सम्बन्ध, सहयोग र बहुक्षेत्रीय द्वीपक्षीय सम्बन्धका बारेमा कुराकानी भएको उल्लेख छ । भेटमा अमेरिकी राजदूत रेन्डी बेरी पनि सहभागी थिए ।

अमेरिकी सहयोग सम्बन्धी मिलेनियम च्यालेन्ज कर्पोरेशन एमसीसी संसदबाट पारित गर्नेबारे अलमल भइरहँदा अमेरिकी सहायक विदेशमन्त्रीको नेपाल भ्रमण भएको हो ।