सुर्खेतबाट काठमाडौं आउँदै गरेको बसमा एक्कासी आगलागी, यात्रु सुरक्षित
कागजपत्र |
काठमाडौं – सुर्खेतबाट काठमाडौं आउँदै गरेको रात्रीबसमा आगलागी भएको छ ।
सुर्खेतबाट काठमाडौंका लागि छुटेको ना.६.प १४७१ नम्बरको गुडिरहेको बसमा आगलागी भएको जिल्ला प्रहरी कार्यालय धादिङका प्रवक्ता डीएसपी जागेश्वर भण्डारीले बताए ।
उक्त बस धादिङको गजुरी आइपुग्दा मध्यराती २ बजेतिर आगलागी भएको भण्डारीले बताए ।
बसमा एक्कासी आगो लागेपछि यात्रुहरु सुरक्षित रुपमा बाहिर निस्किएका थिए । तर, बसका यात्रुका सामान भने पूर्ण रुपमा नष्ट भएका छन् । बसको अधिकांश भाग जलेको पनि प्रहरीले जनाएको छ ।
उक्त बसमा के कसरी आगो लाग्यो भन्ने पूर्ण जानकारी नआए पनि इलेक्ट्रिक सर्ट भएर आगलागी भएको हुनसक्ने अनुमान गरिएको छ ।
