उपत्यकाका सिडिओलाई सुरक्षा र बजार व्यवस्थापन गर्न गृहमन्त्रीको निर्देशन

काठमाडौं – गृहमन्त्री बालकृष्ण खाणले उपत्यकाका तीनै जिल्लाका प्रमुख जिल्ला अधिकारीहरूसँग छलफल गरेका छन्। आउँदै गरेको दशैं र तिहारलाई लक्षित गर्दै मन्त्री खाणले काठमाडौं, ललितपुर र भक्तपुरका सिडिओहरूसँग सुरक्षा व्यवस्था र बजार व्यवस्थापनलगायत विषयमा छलफल गरेको जनाइएको छ ।

छलफलका क्रममा खाणले नागरिकलाई अनुभूति हुने गरी सुरक्षा व्यवस्था गर्न पनि उनले आग्रह गरेका छन्। चाडपर्वका बेला अझै प्रभावकारी ढंगले सुरक्षा व्यवस्था मिलाउन र बजार व्यवस्थापन गर्न गृहमन्त्रीले सम्बन्धित निकायलाई निर्देशन दिएको मन्त्रालयले जानकारी दिएको छ।

मन्त्री खाणले परिवर्तनको परिणाम देखिने गरी काम गर्न र जनतालाई मुस्कुराएर सेवा दिन कर्मचारीलगायतका सुरक्षाकर्मीलाई पनि निर्देशन दिएका छन्।