बालुवाटारबाट ७० भन्दा बढी शिक्षक–शिक्षिका प्रहरी नियन्त्रणमा

काठमाडौं — नेपाल शिक्षक महासंघले प्रधानमन्त्री निवास बालुवाटारमा धर्ना दिने तयारी गरिरहेको बेला प्रहरीले हस्तक्षेप गरेको छ । प्रहरीले बिभिन्न मागसहित महासंघले तयारी गरेको धर्ना सुरु हुनुअगावै ७० भन्दा बढी शिक्षक शिक्षिकालाई नियन्त्रणमा लिएको हो ।

धर्ना सुरु हुनु अगावै कार्यक्रमस्थलबाट गिरफ्तार गरिएको जनाइएको छ । नियन्त्रणपछि उनीहरुलाई अहिले मालिगाँउस्थित प्रहरी वृत्तमा राखिएको छ।

महासंघले शिक्षामा २० प्रतिशत लगानी, कोरोना खोपको व्यवस्था, निजामति कर्मचारीसरह पर्यटन विदाको सुविधा लगायतको माग राखेर आन्दोलन गर्दै आएको छ।