सुनको मूल्य बढ्यो

काठमाडौं-आइतबार सुनको मूल्य बढेको छ ।

नेपाल सुनचाँदी व्यवासायी महासंघका अनुसार आज सुनको मूल्य तोलामा २ हजार ३०० रुपैयाँले बढेको हो ।

यससँगै आइतबार छापावाल सुनको मूल्य तोलामा ३ लाख ५ हजार ८०० रुपैयाँ कायम भएको छ । यसअघि शुक्रबार छापावाल सुन प्रतितोला ३ लाख ३ हजार ५०० रुपैयाँमा कारोबार भएको थियो ।

यस्तै, आज चाँदीको मूल्य भने तोलामा १५ रुपैयाँले घटेको छ । यससँगै आइतबार चाँदीको मूल्य तोलामा ४ हजार ९८५ रुपैयाँ कायम भएको महासंघले जनाएको छ ।