फिनल्यान्डमा दुई हेलिकप्टर ठोक्किँदा पाँच जनाको मृत्यु

काठमाडौं – युरोपेली देश फिनल्यान्डमा दुई हेलिकप्टर आपसमा जुध्दा पाँच जनाको मृत्यु भएको छ ।

पश्चिम फिनल्यान्डमा उडानको क्रममा दुई निजी (नागरिक) हेलिकप्टर एक आपसमा ठोक्किएका हुन् । ठोक्किएर खसेका हेलिकप्टर १०० मिटर दूरीमा भेटिएको पाइएको छ ।

एक हेलिकप्टरमा तीन जना र अर्कोमा दुई जना सवार रहेको फिनल्यान्डका अधिकारीलाई उद्धृत गर्दै जर्मनीको अन्तर्राष्ट्रिय समाचार संस्था डीडब्ल्यूले उल्लेख गरेको छ ।

शनिबार भएको उक्त दुर्घटनामा परेका सबै सवारहरू व्यापारी रहेको र उनीहरू छिमेकी देश इस्टोनियाबाट आएको बताइएको छ ।