गौरा माताको बिसर्जनका क्रममा पूजा गर्दै परराष्ट्रमन्त्री आरजु देउवा
कागजपत्र |
धनगढी — गौरा समापनका लागि लागि धनगढी आएकी परराष्ट्रमन्त्री आरजु राणा देउवाले गौरा माताको पूजा गरेकी छिन् ।
गौरा विसर्जनका लागि बुधबार बिहान धनगढी आइपुगेकी आरजुले धनगढीस्थित निवासमा भित्र्याइएको गौरा विसर्जनका क्रममा पूजा गरेकी थिइन् ।
सुदूरपश्चिमको मौलिक पर्व गौराको समापन कार्यक्रमका लागि मन्त्री राणा पछिल्लो ७ वर्षदेखि हरेक वर्ष धनगढी आउने गरेकी छिन् ।
२०७४ सालको निर्वाचनअघि उनले धनगढीमा घर किनेकी थिइन् ।
त्यसअघि डडेल्धुराको गन्यापधुरा गाउँपालिका वडा नम्बर १ मटेलामा पनि देउवाकै घरमा गौरा भित्र्याउने गरिएको थियो । अहिले देउवा परिवारले धनगढीस्थित घरमा गौरा भित्र्याउने गरेका छन् ।
