मोटरसाइकल दुर्घटना हुँदा शुक्लाफाँटाका शाखा प्रमुखको मृत्यु

कञ्चनपुर- कञ्चनपुरमा मोटरसाइकल दुर्घटना हुँदा एक जनाको मृत्यु भएको छ । बुधबार साँझ भीमदत्त नगरपालिका–४ स्थित भाँसीमा म १ प ११४५ र म २ प ७६७१ नम्बरको मोटरसाइकल आपसमा ठोक्किदा शुक्लाफाँटा नगरपालिका–५ बनसमितका रुद्र बहादुर ओलीको मृत्यु भएको हो।

महेन्द्रनगरबाट पूर्वतर्फ गइरहेका दुवै मोटरसाइकल आपसमा ठोक्किँदा उनको मृत्यु भएको जिल्ला प्रहरी कार्यालय कञ्चनपुरका प्रहरी नायव उपरीक्षक (डीएसपी) उमेशप्रसाद जोशीले बताए।

दुर्घटनामा भीमदत्त नगरपालिका–६ का ५२ वर्षीय हरिदत्त जोशी घाइते भएका छन् ।  मृतक ओली शुक्लाफाँटा नगरपालिकाकाे योजना शाखा प्रमुखकाे रूपमा कार्यरत थिए ।

घटनाको थप अनुसन्धान भइरहेको प्रहरीले जनाएको छ ।