ओलीलाई आजै प्रधानमन्त्री नियुक्त गर्ने तयारी
कागजपत्र |
काठमाडौं – नेपाली कांग्रेस र नेकपा एमालेले दाबी पेश गरेपछि राष्ट्रपतिबाट आजै राति एमाले अध्यक्ष केपी शर्मा ओलीलाई प्रधानमन्त्री नियुक्त गर्ने सम्भावना रहेको नेताहरुले बताएका छन् ।
ओलीसहित दुवै दलका नेताहरु शीतल निवास पुगिसकेका छन् । राष्ट्रपतिले आइतबार साँझ ५ बजेभित्र दाबी पेश गर्न भनेकोमा आजै दावी पेश गरिएको हो ।
प्राकृतिक विपत्तिका बेला सरकार कामचलाउ राख्न नहुने भन्दै आजै राति प्रधानमन्त्री नियुक्त गर्न दुवै दलका नेताहरुले बताएका छन् । राष्ट्रपति कार्यालय स्रोतले भने आजै नियुक्तिको बारेमा अहिलेसम्म केही जानकारी नभएको जनाएको छ ।
