प्रधानमन्त्री प्रचण्डको सम्पत्ति : ५ तोला सुन, २५ लाख नगद

काठमाडौं- प्रधानमन्त्री पुष्पकमल दाहाल प्रचण्डको सम्पत्ति विवरण सार्वजनिक भएको छ ।

मन्त्रिपरिषद्को निर्णयअनुसार प्रधानमन्त्री तथा मन्त्रिपरिषद्को कार्यालयले सम्पत्ति विवरण सार्वजनिक गरेको हो ।

सम्पत्ति विवरणअनुसार प्रधानमन्त्री प्रचण्डसँग भरतपुरमा १४ कट्ठाको पार्किङसहितको घर घडेरी रहेको छ । त्यस्तै भरतपुर महानगरपालिका वडा नम्बर १२ मा १ कट्ठा जग्गा रहेको उल्लेख गरिएको छ ।

यस्तै प्रधानमन्त्री प्रचण्डसँग पाँच तोला सुन र  एभरेष्ट बैंक लिमिटेड, सिंहदरबारको खातामा २५ लाख नगद मौज्दात रहेको उल्लेख गरिएको छ ।