प्याराग्लाइडिङ र केबुलकार उद्घाटन गर्न प्रधानमन्त्री दाहाल चितवन पुगे
कागजपत्र |
काठमाडौं – प्रधानमन्त्री पुष्पकमल दाहाल ‘प्रचण्ड’ आज चितवन पुगेका छन् । आज दिउँसो उनी जहाजबाट चितवन गएका हुन् ।
नवलपरासीको गैँडाकोटमा स्थानीयवासीको साझेदारीमा आइएमई समूहले निर्माण गरेको मौलाकालिका केबलकार उद्घाटन कार्यक्रममा सहभागी हुन् प्रधानमन्त्री दाहाल चितवन पुगेका हुन् । मौलाकालिका पुग्नका लागि छोटो दरीको माध्यमको रुपमा निर्माण गरी सञ्चालनमा ल्याइएको केबुलकार सोमबार उद्घाटन हुँदैछ । सोमबार केबुलकार उद्घाटनसँगै प्रधानमन्त्री दाहालले बिहान प्रेस सेन्टर नेपालले आयोजना गर्ने ‘पत्रकारसँग प्रधानमन्त्री’, बिहान हिमालयन फ्रन्टियर्स प्याराग्लाइडिङ कम्पनी चितवनले सञ्चालन गरेको प्याराग्लाइडिङको उद्घाटन गर्ने कार्यक्रम रहेको छ ।
प्रधानमन्त्री दाहाल आज शिवनगरस्थित आफ्नै निवासमा रहने कार्यक्रम छ । उनी सोमबार चितवन र नवलपुरका विभिन्न कार्यक्रममा सहभागी भई दिउँसो १ बजे काठमाडौँ फर्कने कार्यक्रम रहेको निमित्त प्रमुख जिल्ला अधिकारी चिरञ्जीवी शर्माले बताए ।
