नवनियुक्त आईजी कुँवरलाई आज दर्ज्यानी चिन्ह
कागजपत्र |
काठमाडौं — नवनियुक्त प्रहरी महानिरीक्षक (आईजी) बसन्तबहादुर कुँवरलाई (आज) आइतबार दर्ज्यानी चिन्ह प्रदान गरिने भएको छ ।
नेपाल प्रहरीका महानिरीक्षकलाई गृहसचिवले दर्ज्यानी चिन्ह प्रदान गर्ने प्रचलन रहिआएअनुरुप कुँवरलाई विनोदप्रकाश सिंहले दर्ज्यानी चिन्ह लगाइदिने कार्यक्रम छ ।
आइतबार नै उनले प्रहरी प्रधान कार्यालयमा पदभार ग्रहण गर्ने कार्यक्रम छ ।
शनिबारदेखि महानिरीक्षकको कमान्ड सम्हाले पनि बिदाको दिन भएकाले आइतबारदेखि मात्र उनले औपचारिक रुपमा प्रहरी कमान्ड सम्हाल्नेछन् ।
सरकारले कुँवरलाई शुक्रबार ५ प्रतिस्पर्धी एआईजीमध्येबाट आईजीमा बढुवा गरेको थियो ।
यसअघिका आईजी धिरजप्रताप सिंहले शुक्रबारदेखि अनिवार्य अवकाश पाएका छन् ।
