मधेश प्रदेश सभाका ज्येष्ठ सदस्य न्यौपानेले लिए शपथ
कागजपत्र |
जनकपुरधाम – मधेस प्रदेशसभाका ज्येष्ठ सदस्य गोबिन्दबहादुर न्यौपानेले पद तथा गोपनीयताको शपथ लिएका छन् । ७१ वर्षीय न्यौपानेलाई प्रदेश प्रमुख हरिशंकर मिश्रले आज पद तथा गोपनीयताको शपथ ग्रहण गराएका हुन् ।
नेपालको संविधानको धारा १८२ को उपधारा (५), प्रदेशसभा सदस्य निर्वाचन ऐन, २०७४ को दफा ७५ बमोजिम ज्येष्ठ सदस्यको हैसियतले प्रदेशसभाको अध्यक्षता गर्ने प्रावधान छ ।
१०७ जना प्रदेशसभा सदस्यमध्ये न्यौपाने सबभन्दा जेष्ठ हुन् । नेकपा एकीकृत समाजवादीका न्यौपाने मंसिर ४ मा सम्पन्न निर्वाचनमा सप्तरीको ४ को प्रदेश सभा १ बाट निर्वाचित भएका हुन् । प्रदेशसभाका बाँकी १०६ जना सदस्यलाई शुक्रबार न्यौपानेले शपथ खुवाउने कार्यक्रम छ ।
