एलिजावेथको निधनमा नेपालमा तीन दिन शोक
कागजपत्र |
काठमाडाैं – बेलायतकी महारानी एलिजावेथ द्धितीयको निधनमा सरकारले तीन दिन शोक मनाउने भएकाे छ।
शुक्रबार बसेको मन्त्रिपरिषद बैठकले महारानी एलिजावेथ द्धितीयको निधनमा तीन दिन आधा झण्डा झुकाइ शाेक मनाउने निर्णय गरेकाे हाे।
बैठकमा नेपाल सरकारले उनकाे निधनप्रति गहिरो दुःख व्यक्त गर्दै दिगंवत आत्माको चिरशान्तिको कामना गरेको छ।
महारानीको सम्मानमा २०७९ भदौ २५ देखि २७ गतेसम्म तीन दिन शोक मनाउने र नेपालभरका सरकारी कार्यालयहरु एवं विदेशस्थित नेपाली राजदूतावास र नियोगहरुमा राष्ट्रिय झण्डा आधा झुकाउने निर्णय गरेको मन्त्रिपरिषद स्रोतले जानकारी दिएको छ ।
