तुलसीपुर उपमहानगर प्रमुख र उपप्रमुखमा एमाले विजयी
कागजपत्र |
दाङ – दाङको तुलसीपुर उपमहानगरपालिका प्रमुख र उपप्रमुखमा नेकपा एमालेका उम्मेदवार विजयी भएका छन्।
प्रमुखमा टिकाराम खड्का ३१ हजार ४ सय ८ मत प्राप्त गरी विजयी भएका हुन्। उनका निकटतम प्रतिस्पर्धी गठबन्धनका साझा उम्मेदवार नेपाली कांग्रेसका गेहेन्द्र गिरीले २७ हजार ७ सय १७ मत प्राप्त गरे।
उपप्रमुखमा पनि एमालेकै स्यानी चौधरी विजयी भइन्। उनले नेकपा एकीकृत समाजवादीका जोगबहादुर राना मगरलाई पराजित गरिन्। चौधरीले ३० हजार ५ सय ९७ मत प्राप्त गर्दा रान मगरले २१ हजार ६५ मत मात्रै प्राप्त गरे।
दाङका दुई उपमहानगरमध्ये यसअघि घोराहीमा पनि एमालेकै उम्मेदवार विजयी भएका थिए।
