

मुख्यमन्त्री राउतकी श्रीमती खातुन उपाध्यक्षमा पराजित

पर्सा – पर्साको जगरनाथपुर गाउँपालिका उपाध्यक्षमा उमेदवारी दिएकी मधेस प्रदेशका मुख्यमन्त्री लालबाबु राउतकी श्रीमती जलेखा खातुन पराजित भएकी छन् जसपाबाट उपाध्यक्षमा उमेदवारी दिएकी खातुन नेपाली काँग्रेसकी बविता सिंहसँग पराजीत भएकी हुन् ।
काँग्रेसकी सिंहले ५,५३१ मत ल्याएर विजयी भएकी छन् भने ३,१२३ मत ल्याएकी खातुन निकट्तम प्रतिस्पर्धी समेत बन्न सकिनन् । विजयी सिंहको निकटम प्रतिस्पर्धी नेकपा एमालेकी मिरादेवी कुर्मी ३,३४५ मत पाएकी छन् ।
गाउँपालिका अध्यक्षमा समेत त्यहाँ जसपाका उम्मेदवार कृष्णमोहन प्रसाद यादव पराजित भएका हुन् । अध्यक्षमा नेपाली काँग्रेसका श्रीकान्त यादव ५,७४९ मत ल्याएर विजयी भएका छन् ।
उनका निकटम प्रतिस्पर्धी नेकपा एमालेका सलिम मंसुर ३,९२६ मत ल्याएका छन् । जसपाका यादव मात्र ३,४४७ मतमा समेटिएका छन् ।

