भिजिवलिटी कम हुँदा हवाई उडान प्रभावित, विभिन्न देशबाट आएका अन्तर्राष्ट्रिय विमान आकाशमै होल्ड
कागजपत्र |
काठमाडौं – बाक्लो तुवाँलोका कारण आज बिहानैदेखि हवाई उडान प्रभावित बनेको छ। विहान ६ः३० बजे देखि त्रिभुवन अन्तर्राष्ट्रिय विमानस्थलबाट देशैभर हुने आन्तरिक उडान भिजिवलिटी नपुग्दा उडान हुन सकेको छैन।
यस्तै विभिन्न देशबाट आएका अन्तर्राष्ट्रिय विमान पनि अवतरण गर्न नसकेर आकाशमै फन्को मारिरहेका छन्। हाल त्रिभुवन अन्तर्राष्ट्रिय विमानस्थलको भिजिवलिटी एक हजार दुई सय मिटर मात्र रहेको विमानस्थलले जनाएको छ
पश्चिमी वायुको प्रभावका कारण विहीबार विहानै देखि मौसममा खराबी आएपछि देशैभरका ३५ वटै विमानस्थलमा उडान ठप्प रहेको छ। विमानस्थलका प्रवक्ता टेकनाथ सिटौलाका अनुसार पहाडी क्षेत्रका केही विमानस्थल खुलेपनि तराई क्षेत्रका विमानस्थल खुल्न सकेको छैन।
तर काठमाडौं विमानस्थलका लागि पाँच हजार मिटर भिजिवलिटी आवस्यक रहेपनि एक हजार दुई सय मिटर मात्र रहेको विमानस्थलले जनाएको छ।
