भारतलाई कूटनीतिक नोट पठाइयो
कागजपत्र |
काठमाडौं – सरकारले दार्चुला घटना भएको झण्डै दुई महिनापछि भारतलाई कूटनीतिक नोट पठाएको छ ।
सरकारले दार्चुला तुइन घटना र नेपाली आकाशमा अनधिकृत रुपमा हेलिकोप्टर उडाइएकोबारे नेपाल सरकारले भारत सरकारलाई छुट्टाछुट्टै कूटनीतिक नोट पठाएको छ ।
दुवै पत्र कूटनीतिक च्यानल मार्फत् पठाइएको जनाएको छ। दुवै घटनाहमा सरकार मौन बसेको भन्दै सर्वत्र आलोचना भएपछि सरकार कूटनीतिक नोट पठाउन बाध्य भएको हो।
गत साउन १५ गते भारतीय सीमा सुरक्षा बल (एसएसबी)ले तुइनको तार काटिदिँदा दार्चुलाको ब्यास नगरपालिका–२ का जयसिंह धामी महाकाली नदीमा खसेर वेपत्ता भएका थिए ।
घटनाबारे छानविन गर्न गृह मन्त्रालयले बनाएको समितिले एसएसबीको उपस्थितिमा घटना भएको बताएको छ । साथै घटनाबारे थप अनुसन्धान गरी दोषीलाई कारबाही र पीडित परिवारलाई उचित क्षतिपूर्ति दिन सिफारिस गरेको छ ।
