‘संसद विघटन, अधिनायकवाद र विद्यार्थी आन्दोलन’ बारे एउटै मञ्चमा विश्वप्रकाशदेखि झाँक्रीसम्म
कागजपत्र |
काठमाडौं – पछिल्लो समयको राजनीतिक परिघटनाका सम्बन्धमा एक अन्तरक्रिया कार्यक्रम हुँदैछ ।
संयुक्त विद्यार्थी संगठनद्वारा आयोजना गर्न लागिएको अन्तरक्रियामा नेपाल विद्यार्थी संघ, अखिल क्रान्तिकारी, अनेरास्ववियु, समाजवादी विद्यार्थी युनियन र अखिल छैठौंका पूर्वनेताहरु सहभागी हुने भएका छन् ।
‘संसद विघटन, अधिनायकवाद र विद्यार्थी आन्दोलन’ विषयक उक्त अन्तरक्रिया राजधानीको रत्नराज्यलक्ष्मी क्याम्पसमा अहिले १२ बजेदेखि सुरु हुने उक्त अन्तरक्रियामा नेपाल विद्यार्थी संघका तर्फबाट पूर्वअध्यक्ष तथा नेताहरु, विश्वप्रकाश शर्मा, गुरुराज घिमिरे र प्रदीप पौडेल सहभागी हुने जनाइएको छ ।
त्यस्तै अखिल क्रान्तिकारीका तर्फबाट देवेन्द्र पराजुली, हिमाल शर्मा, रमेश मल्ल सहभागी हुनेछन् भने अनेरास्ववियुबाट जगन्नाथ खतिवडा, रामकुमारी झाँक्री, यज्ञराज सुनुवार सहभागी हुने जनाइएको छ ।
त्यस्तै समाजवादी विद्यार्थी युनियनका गंगानारायण श्रेष्ठ, भीम राई र मानुषी यमी भट्टराई पनि सहभागी हुने जनाइएको छ भने अखिल छैठौंबाट कृष्ण अधिकारी र घनश्याम न्यौपाने सहभागी हुने संयुक्त विद्यार्थी संगठनका एक आयोजक विद्यार्थी नेताले बताए ।
