वैदेशिक रोजगार व्यवसायी संघमा खत्री प्यानल विजयी

काठमाडौं – नेपाल वैदेशिक रोजगार व्यवसायी संघको अध्यक्षमा डिक बहादुर खत्री (कुमार) प्यानलसहित विजयी भएका छन्।

नेकपा एमाले निकट प्रगतिशील वैदेशिक रोजगार व्यवसायी मञ्च नेपाल र नेपाली कम्युनिस्ट पार्टीनिकट वैदेशिक रोजगार व्यवसायी गणतान्त्रिक मञ्च तथा नेपाली कांग्रेसनिकट केही व्यवसायी मिलेर बनेको संयुक्त व्यवसायी समूह निर्वाचनमा प्यानलसहित मैदानमा उत्रिएका थिए।

नेपाली कांग्रेसको शुभेच्छुक संस्था नेपाल लोकतान्त्रिक वैदेशिक रोजगार व्यवसायी एसोसिएसनले संघका पूर्वमहासचिव मेघनाथ भुर्तेल र राष्ट्रिय स्वतन्त्र पार्टीनिकट स्वतन्त्र वैदेशिक रोजगार व्यवसायी समूहले नेपाल वैदेशिक रोजगार व्यवसायी एकता समितिका अध्यक्ष तथा संघका पूर्व द्वितीय उपाध्यक्ष हरिबहादुर पाण्डे क्षेत्रीको समूहलाई हराउँदै खत्री अध्यक्षमा विजयी भएका हुन्।

अध्यक्ष पदमा विजयी खत्रीले ३ सय ४७ मत प्राप्त गरेका छन् भने उनका निकटतम प्रतिद्वन्द्वी भुर्तेलले १ सय ९२ र पाण्डेले १ सय ७० मत पाएका छन्।

आज विहान सकिएकोमतगणनामा प्रथम उपाध्यक्षमा महेश बस्नेत, द्वितीय उपाध्यक्षमा अनिल बोगटी, तृतीय उपाध्यक्षमा लक्ष्मण पौडेल महासचिवमा हरि डॉगी, सचिवमा केदार नाथ अधिकारी र कोषाध्यक्षमा धनमाया सिन्जाली विजयी भएका छन्।

प्रगतिशील प्यानलले १७ सदस्यीय कार्यसमितिमा पदाधिकारी ७ मध्ये ६ र १० कार्यसमिति सदस्यमध्ये ८ सदस्य जितेको छ।

एसोसिएसन प्यानलबाट तृतीय उपाध्यक्ष लक्ष्मण पौडेल र दुई सदस्य गीता राउत र दीक्षा दाहालले जित हासिल गरेका छन्।