चुनावपछि पहिलोपटक निर्वाचन क्षेत्र सर्लाही पुगे कांग्रेस सभापति गगन
कागजपत्र |
सर्लाही – गत फागुन २१ मा सम्पन्न प्रतिनिधि सभा सदस्य निर्वाचनमा पराजित भएपछि नेपाली कांग्रेसका सभापति गगनकुमार थापा पहिलो पटक सर्लाही पुगेका छन्।
सर्लाही क्षेत्र– ४ स्थित धनकौल बजारमा आयोजना गरेको कार्यक्रममा सरिक हुन सभापति थापा सर्लाही पुगेका हुन्।
धनकौल बजारमा मतदातालाई धन्यवाद् ज्ञापन तथा कांग्रेसको जरा अभियान कार्यक्रमलाई सम्वोधन गर्न केन्द्रीय सभापति थापा सर्लाही आइपुगको कांग्रेस सर्लाहीका कार्यवाहक सभापति डाक्टर सरोज कुमारले जानकारी दिए।
कांग्रेस सभापति थापा सर्लाही ४ मा राष्ट्रिय स्वतन्त्र पार्टी रास्वपा का नेता डाक्टरा अमरेशकुमार सिंहसँग पराजित भएका छन्।
मतदातालाई धन्यवाद ज्ञापन गर्न सभापति थापा यसअघि नै आउने तयारी भए पनि पार्टीका बैठक तथा गतिविधिमा सक्रिय हुनु परेकाले पराजय भएको करिव दुई महिनापछि निर्वाचन क्षेत्रमा आएको कांग्रेस सर्लाहीले जनाएको छ।
