न्युयोर्क विमानस्थलमा ट्रकसँग प्लेन ठोक्कियो‚ दुई पाइलटको मृत्यु
कागजपत्र |
न्यूयोर्क- न्यूयोर्कको लागार्डिया विमानस्थलमा सोमबार बिहान एक विमान रनवेमा ठोक्किँदा विमानस्थलका उडानहरू रद्द भएका छन्।
एयर क्यानाडा एक्सप्रेसको यात्रुवाहक जहाज माउन्ट्रियलबाट उत्रँदै गर्दा रनवेमा रहेको गाडीमा ठक्कर दिएको बताइएको छ।
विमानको अगाडिको भाग र ककपिट क्षेत्र गम्भीर रूपमा क्षतिग्रस्त भएको दृश्यहरू सामाजिक सञ्जालमा देखा परेका छन् भने उद्धार र आपत्कालीन सेवाहरूले घटनास्थलमा सक्रिय प्रतिक्रिया जनाएका छन्।
संयुक्त राज्य नागरिक उड्डयन प्रशासनले सम्पूर्ण उडानहरूमा ग्राउन्ड स्टप जारी गरेको छ र स्थानीय आपत्कालीन प्राधिकरणले यात्रु तथा यातायातमा रद्द र ढिलाइ हुने चेतावनी दिएको छ।
न्युयोर्क र न्युजर्सीको ‘पोर्ट अथोरिटी’ की कार्यकारी निर्देशक क्याथरिन गार्सियाले दुर्घटनामा दुवै पाइलटको ज्यान गएको पुष्टि गरेको समाचार न्यूयोर्क टाइम्सले प्रकाशित गरेको छ। अहिलेसम्म यस दुर्घटनामा कति घाइते भएका छन् भन्ने आधिकारिक पुष्टि नभएको छ र घटनाको जाँच जारी रहेको अधिकारीहरूले जनाएका छन्।
