फागुन २१ मा चुनाव हुन्छ, कांग्रेसले बहुमत ल्याउँछ : कार्यवाहक सभापति खड्का
कागजपत्र |
काठमाडौं– नेपाली कांग्रेसका कार्यवाहक सभापति पूर्णबहादुर खड्काले पार्टी फुटको अड्कलबाजीबीच फागुन २१ गते प्रतिनिधिसभा निर्वाचन तय मितिमा नै हुने बताएका छन्।
शुक्रबार सानेपामा आयोजित पत्रकार सम्मेलनमा खड्काले कांग्रेसको तयारी र पार्टी एकताको दाबी गर्दै भने, “चुनाव एक हुन्छ, दुई हुन्छ, तीन हुन्छ, तर कांग्रेसले निश्चित रूपमा बहुमत ल्याउँछ।”
उनले पार्टी फुटेको भनाइ खण्डन गर्दै कांग्रेस अझै एउटै रहेको र शेरबहादुर देउवाको नेतृत्वमा एकताबद्ध रहेको स्पष्ट पारे।
खड्काले चुनाव तयारीसँगै पार्टी एकता र समग्र राजनीतिक स्थिरता कायम रहेको बताउँदै मतदातालाई ढुक्क भएर निर्वाचनमा सहभागी हुन आग्रह गरे।
