चार सहसचिवको सरुवा, को-कहाँ ?

काठमाडौं – ऊर्जा, जलस्रोत तथा सिँचाइ मन्त्रालयका चार जना सहसचिवको आन्तरिक सरुवा भएको छ ।

साउन १७ गते चार सहसचिवको आन्तरिक सरुवा गरिएको हो । जस अनुसार ऊर्जा महाशाखामा रहेका नवीनराज सिंहलाई ऊर्जा विकास विभागमा पठाइएको छ ।

त्यस्तै महाशाखामा ऊर्जा आयोगका चिरञ्जीवी चटौतलाई ल्याइएको छ भने जीवछ मण्डललाई चटौतको ठाउँमा पठाइएको छ ।

अर्का सहसचिव मधुप्रसाद भेटुवाललाई बूढीगण्डकी जलविद्युत् आयोजनाको प्रमुख कार्यकारी अधिकृतमा सरुवा गरिएको छ ।