कैलालीमा डुबेर युवकको मृत्यु
कागजपत्र |
कैलाली – कैलालीको धनगढीमा खोलामा डुबेर शनिबार एक युवकको मृत्यु भएको छ ।
धनगढी उपमहानगरपालिका–८ का २६ वर्षीय पंकज लाभको मृत्यु भएको जिल्ला प्रहरी कार्यालयका प्रहरी निरीक्षक लोकेन्द्रसिंह कार्कीले जानकारी दिए ।
प्रहरी निरीक्षक कार्कीका अनुसार, मृतक लाभ धनगढी–१, वसन्तटोल र वडा नम्बर–८, धनगढीगाउँको बीचबाट बग्ने नवदुर्गा खोलामा हामफाली बेपत्ता भएका थिए । खोजतलासका क्रममा २०० मिटर टाढा मृतावस्थामा भेटिएको हो ।
निजको शव परीक्षणका निम्ति धनगढीस्थित सेती प्रादेशिक अस्पतालमा राखिएको छ । रासस
